சென்னை, நவ.18- புகழ்பெற்ற ஆக்ஸ்போர்டு பல்கலைக்கழகத்தின் துறையான ஆக்ஸ்போர்டு யுனிவர்சிட்டி பிரஸ் (ஒயுபி) இந்தியா, சென்னை சஹோதயா பள்ளிகள் வளாகத்துடன் இணைந்து ‘கல்வியில் மாறும் இயக்கவியல்’ என்ற தலைப்பில் சென்னையில் பள்ளி முதல்வர்கள் மற்றும் கல்வியாளர்களுக்கான சந்திப்பை நடத்தியது. இந்தியாவில் அதன் 110 ஆண்டுகளைக் கொண்டாடும் வகையில், அதன் கலப்பு கற்றல் தீர்வுகளின் புதிய தொகுப்பை ஆக்ஸ்போர்டு அறிமுகப்படுத்தியுள்ளது. 1 முதல் 8 ஆம் வகுப்பு வரையிலான மாணவர்களுக்கு இந்த தொகுப்பு பயன்படும். இந்த வெளியீட்டு விழாவில் சென்னை ஐஐடியின் இயக்குனர் பேராசிரியர் காமகோடி வீழிநாதன் என். ரவி, சென்னை சஹோதயா பள்ளி வளாகத்தின் துணைத் தலைவர் ஏ. லக்ஷ்மி பிரபா மற்றும் ஒயுபி இந்தியாவின் நிர்வாக இயக்குநர் . சுமந்த தத்தா மற்றும் பிற முக்கிய பிரமுகர்கள் கலந்துகொண்டனர். இந்த நிகழ்ச்சியில் பேசிய என்.ரவி, இந்திய அளவில் குழந்தைகளுக்கான உண்மையான கற்றல் வாய்ப்புகளுக்கான கல்வியில் உள்ளடக்கம் பற்றிய தனது கருத்துக்களைப் பகிர்ந்து கொண்டார். புதிய வயதுக் கற்றலுக்கான கலப்பு கற்றல் தயாரிப்பின் முக்கியத்துவத்தை எடுத்துரைத்து சுமந்த தத்தா பேசினார். ஆக்ஸ்போர்டு பல்கலை கழக அச்சகம் எப்போதும் கல்வி மற்றும் ஆராய்ச்சியில் முன்னணியில் இருந்து வருகிறது, மேலும் அறிவு மற்றும் கற்றல் உலகில் முன்னேற்றத்தை ஏற்படுத்துவதில் தொழில்நுட்பம் வகிக்கும் முக்கிய பங்கை அங்கீகரிக்கிறது என்றார்.
ஊடக உலகில் உண்மையின் பேரொளி